Categories
Uncategorized

घर निर्माणमा ACC Block वा इँटा कुन प्रयोग गर्ने?

Spread the love

अक्सर मानिसहरू घर निर्माण गर्दा द्विविधामा हुन्छन् कि घरको वालमा इँटा या ब्लकको प्रयोग गर्ने । तपाइ पनि घर निर्माण गर्ने सोचमा हुनुहुन्छ र घरको वालको विकल्प खोज्नु भएको छ भने आज यस लेखमा हामी तपाईँलाई वालको विकल्प मध्ये ACC block र इँटाको बारेमा जानकारी गराउँदै छौँ । त्यसकालागि तपाइले यो लेख पढ्नुपर्ने हुन्छ ।

ACC Block

ACC Blockको पुरा रूप Autoclaved Aerated Concreate Block हुन्छ । यो हलुङ्गो हुने भएकाले यसलाई उठाउन धेरै सजिलो हुन्छ । अर्थात् यसको आयतन धेरै तथा तौल कम हुन्छ । यसको आयाम ६००mm X २५०mm X१५०mm हुन्छ । सामान्यतया एक एसीसी ब्लकको तौल १४.२० केजी हुन्छ । यही आयतनमा इँटा सँग तुलना गर्ने हो भने इँटा ८ वटा इँटा पर्न जान्छ र तौल करिब ३५ के.जी हुन जान्छ । यसरी हेर्दा ब्लकको तौल भन्दा इँटाको तौल २ गुन बढी हुन जान्छ । यसले गर्दा हामीले निर्माण गर्ने संरचनाको भार इँटाको भन्दा २ गुना कम हुन आउँछ । यो आफ्नो हल्का वजनको कारण पानीमा डुब्दैन  र यो पानीको सतहमा तैरिन्छ। जबकि इँटालाई पानीमा राख्दा पानीमा डुब्दछ ।

लागत खर्चको हिसाब हेर्ने हो भने पनि इँटा जडानमा लाग्ने जनशक्ति भन्दा ACC ब्लकमा लाग्ने खर्च लाग्ने हुन्छ । १०X१० फिटको वालमा ५० वटा ब्लक आवश्यक पर्दछ भने इँटामा ५८५ ब्लक लाग्दछ । जोइन्टको सङ्ख्या हेर्ने हो भने ACC ब्लकमा १६२ जोइन्ट र १ बोरा सिमेन्ट लाग्दछ । त्यस्तै इँटमा १६५६ जाोइन्ट र २ बोरा सिमेन्ट लाग्दछ । यसरी हेर्दा ACC ब्लक प्रयोग गरी घर बनाउँदा धेरै मूल्य कम पर्न जान्छ ।

अब तपाईँलाई अर्को प्रश्न उठ्न सक्दछ कि  ACC ब्लकमा बिजुली र पानीको वाइरिङ्गका लागि कति उपयुक्त र सहज हुन्छ ? अवश्य पनि, ACC block सजिलै काट्न सकिन्छ जसले गर्दा वायरिङ र पाइप फिटिङ्गको काम गर्न कम समय लाग्दछ । जबकि रातो इँटा धेरै कडा भएकाले काट्न बढी समय लाग्ने , भित्ता पनि चर्कन तथा भत्कन सक्ने सम्भावना हुन्छ ।

ACC Block को साइज उत्पादन गर्ने कम्पनी अनुसार फरक फरक हुन जान्छ । तथापि सामान्य तया यसको साइज निम्नानुसारको हुने गर्दछ ।

  • ६००mm X २००mm X १००mm
  • ६००mm X २००mm X १५०mm
  • ६००mm X २००mm X २००mm
  • ६००mm X २००mm X २५०mm

इँटको साइज

  • २३०mm X १००mm X ७५mm

ACC Block को comprehensive strength 5n/mm2 हुन्छ भने इँटको 3.50n/mm2 हुन्छ । यसको अर्थ यो हो कि ACC block इँटको तुलनामा धेरै बलियो हुन्छ । त्यस्तै ACC ब्लकको आगो प्रतिरोधी क्षमता ४ घण्टाको हुन्छ भने इँटाको २ घण्टा मात्र हुन्छ ।

अन्त्यमा भन्नु पर्दा ACC block त्यस्तो स्थानमा प्रयोग गर्नु पर्दछ जहाँ ठुला ठुला गगनचुम्बी भवनहरू निर्माण गरिन्छ । किनकि यसले भवनको कुल भार कम गराउँदछ । इँट जुनसुकै निर्माणमा प्रयोग गर्न सकिन्छ । तपाइले ACC block प्रयोग गर्दा ध्यान दिनुपर्ने मुख्य कुरा के हो भने यसलाई कुनै संरचनाको फाउन्डेसन वाल र प्लसटर गरी ड्याम प्रुफ गर्ने स्थानमा प्रयोग गर्न सकिँदैन ।

Leave a Reply

Your email address will not be published. Required fields are marked *